Lynnwoodrif se Arbeidsentrum is ‘n voortvloeiing van ‘n eerste inisiatief onder kerke in Pretoria amper 30 jaar gelede. Die “Adviessentrum” is destyds onder leiding van ‘n voormalige leraar, Prof. Piet Meiring, begin.

Die mooi visie –

Om hoop te skep en menswaardigheid te herstel aan werklose persone met lae of geen kwalifikasies deur ‘n eerlike kwaliteit diens te verskaf 

 dui iets aan van die hart van hierdie bediening.

Vandag is die sentrum ‘n professionele diens wat beskikbaar is gedurende die week – per telefoon en/of elektronies. Op Woensdagoggende kom werksoekers op die gemeenteperseel tussen 09:00 en  11:00 byeen, skoolvakansiedae uitgesluit. Woensdae vroegoggende word hoopvolle werksoekers bedien met ‘n koppie koffie en ‘n lekker broodjie, liefdevol voorberei deur vrywilligers. Hulle word ook geestelik  deur ‘n erediens, gelei deur Pastoor Jacques Mbuyi, versterk.

‘n Span vrywilligers help weekliks met registrasies van nuwe werksoekers.

Hoe werk dit?

Registrasiekoste vir werkgewers beloop R250 per persoon – eenmalig geldig vir 3  maande. Persoonlike onderhoude kan Woensdae op die perseel gevoer word of elektronies gedurende die week aangevra word.

Kontakbesonderhede

Vir enige navrae, kontak gerus Blackie Swart:

Vertel bure, vriende en kollegas van hierdie diens! Meld aan as vrywilliger – veral vir ‘n koffie-beurt!