Is jy nuut?

Ons wil jou graag ontmoet! Dit is vir ons so lekker dat jy by ons kom kuier of dit oorweeg om ons gemeente jou geestelike tuiste te maak. Gesels gerus met een van ons spanlede aan diens, na die erediens, terwyl jy 'n lekker koppie koffie geniet. Jy is ook welkom om by ons te kom kuier, gedurende die week, by die kerkkantoor. Die kantoor is elke oggend vanaf 8:00 - 13:00 oop.

Dienste oor 'n naweek

Ons weet hoe vreemd dit kan wees by 'n nuwe gemeente. Ons hoop dat hierdie bladsy as wegspringplek sal dien om jou te help.

Aanbiddingstyle

Ons bied vier unieke erediensstyle op Sondae, sodat die hele geloofsfamilie, met verskillende generasies, saam in geloof kan groei.

Familiediens - in die Hoofruim om 09:00
Aftree-oord dienste - afwisselend by Protea Aftree-oord en Willow Haven om 10:00
Engelse diens - in die CAEIA om 10:30
Aanddiens - in die Ouditorium om 18:00

Familiediens: Hoofruim

Familiedienste bied ‘n warm, vriendelike, lekker saamsing erediens, waar die wil van God deur reekse, temas, vers-vir-vers en vers-met-vers prediking ontdek word. Hierdie diens het 'n spesiale kindermoment, om so die hele uitgebreide familie te kan bedien. Die aanbiddingstyl is kontemporêr, maar maak ook van orrelspel gebruik om al die generasies te bedien.

Na die kindermoment is daar ‘n spesiale Kinderdiens, wat ons jongelinge op hul vlak, in die Ouditorium bedien.

Aanddiens: Ouditorium

Ons Aanddienste bied ’n gemaklike preekstyl wat aanpas by reekse in die gemeente of aktuele temas hanteer. Getuienis- en gebedsgeleentheid, asook intieme aanbidding en lofprysing is spesifiek op die jonger geslag gerig, maar wil ook vir alle generasies voorsiening maak wat van 'n gemaklike erediensstyl hou. Gedurende vakansies en oor langnaweke is daar nie Aanddienste nie.

Aftree-oorddienste

Daar word afwisselend by twee aftree-oorde dienste gehou naamlik Protea oord- en Willow Haven Aftree-oorde. Die eredienste begin om 10:00 Sondagoggende in die onderskeie aftree-oorde se sale. As ‘n reël word die dienste elke tweede en vierde Sondag by Willow Haven en elke derde Sondag by Protea oord gehou. Volg gerus ons kalender vir die datums.

Dr. Daléne Flynn, ons Seniorlidmaatbediening pastorale versorger neem hoofsaaklik verantwoordelikheid vir hierdie dienste.

English service - CAEIA

Our English service at 10:30 in the CAEIA provides a warm, friendly and personal atmosphere to members of the community who prefers a church service in English. Praise and worship forms a fundamental part of this service as well as good, solid Biblical teaching.

On Wednesday mornings there is a second English Service, mainly to people looking for work opportunities. These services are lead by br. Jacques Mbuyi, a missionary from this church, called in the Lynnwood Ridge community to serve people of other cultures.

Na die diens....

Geniet 'n heerlike koppie moerkoffie of tee in die Atrium terwyl jy saam met ander gelowiges kuier. Ons gerieflike kuierarea in die Atrium maak dit ideaal om te kuier of te wag vir die kinders om klaar te maak met kategeseklasse. Dis ook die ideale geleentheid vir nuwe lidmate om die gemeentelede te leer ken.

Kategeseklasse vir kinders, tieners en jong volwassenes.

Soggens na die Familie-/Kinderdiens is daar Juniorkategeseklasse vir die laerskoolkinders - Ons het klasse vanaf Graad R tot Graad 6.
Na die Aanddiens is daar Seniorkategeteklasse vir die tieners vanaf Graad 7 tot en met Graad 10 asook 'n Belydenisklas vir ons Graad 11's.
Ons Fasiliteerder vir Families, Nienke Kemm ontmoet jul graag.

Ontmoet iemand nuut

Ons sal jou graag weer wil sien! Indien jy net by ons kom kuier het is ons bly dat jy saam met ons die Here kom aanbid het.