Familiedienste
‘n Vriendelike ruimte vir die hele gesin
Ons Familiediens bied ‘n gemaklike, warm en vriendelike styl wat op die hele geloofsfamilie gerig is met genoeg sielskos vir oud en jonk! Die erediens skep ten eerste ‘n oase van hoop, waar jy God kan ontmoet en kan rus in Sy teenwoordigheid sodat jy verfris kan uitgaan en ‘n verskil maak. Ten tweedens skep die erediens geleentheid waar jy kan inoefen om fiks te word om op die influistering van die Gees se stem te reageer.
Ons Aanbiddingspan begelei die gemeente op klavier en/of orrel saam met ‘n voorsanger. ‘n Variasie liedere vanuit die Liedboek, VONKK en VLAM, asook nuwe liedere word gesing.
Die Familiediens begin Sondae om 09:00 in die Hoofruim. Gesinne met kinders woon as gesin saam die diens by. Na die kindermoment word die kinders apart bedien met ‘n spesiale kinderbyeenkoms in ons Ouditorium. Kategeseklasse vir ons junior en seniorkategese, asook belydenisklas vind na die diens plaas.
